التغذية السليمة في رمضان ❤
حافظ علي الفورمة 👊
10 نصائح لتغذية سليمة فى رمضان 🌙
1- بلاش مشروبات غازية على الفطار عشان بتقلل من كفاءه الهضم.
2- قلل من الأكل الدسم فى رمضان و بلاش السمنة الصناعى و الزيوت المهدرجة لإنها بتساعد علي حدوث مشاكل فى الهضم وخصوصا مع قلة نسبه السوائل في الجسم اللى بيسببه الصيام.
3- تدرج في تناول الفطار على سبيل المثال تناول تمر و ماء بعد كده ممكن تصلى وبعدها بنصف ساعه تناول الوجبه الأساسيه لتهيئة المعده وتنشيطها.
4- حاول تبعد عن الحلويات اللى ما أكثرها فى رمضان عالشان تتجنب زيادة الوزن.
5- إحرص علي شرب الماء بصورة كبيرة مش أقل من 3 لتر لتعويض جسمك عن اللى فقده خلال الصيام.
6- قلل الملح و السكر بقدرالإمكان في وجبه السحور لإن السكر هيحسسك بالجوع ، والملح هيسببلك العطش و نبعد عن الوجبات السريعة و اللحوم المعلبة و الوجبات المقلية اللى ممكن تؤدى للإحساس بالحموضة طوال فترة الصيام.
7- ماتكلش كميه كبيرة من الأكل بعد الأذان مباشرة لتجنب الإصابه بالتخمه.
8- إهتم بتناول الخضراوات والفواكهه الطازجه لإنها غنية بالماء والفيتامينات و المعادن.
9- نظم وجبات خفيفه لنفسك بين الفطار والسحور زى المكسرات والخضار والفاكهة.
10- حاول لو إنت مش هتقدر تاكل خضروات و فواكه خلال فترة الإفطار إنك تستخدم مالتى فيتامين لضمان حصولك على إحتياجاتك اليومية من الفيتامينات و المعادن خلال فترة الصوم كلها.
تعليقات
إرسال تعليق