ازاي تحافظ علي فورمتك في رمضان ؟
- شوية حجات كدا لازم تاخد بالك منها لو عاوز تحافظ علي جسمك او فورمتك في رمضان هتساعدك انك علي الاقل متخسرش من وزنك الي وصلتلو ، شوبة حجات بسيطة بس خد بالك منها.
١- ابعد عن الزيوت و الدهنيات و الاكل الي مش صحي علي قد ما تقدر واي سكريات او سواءل فيها نسبة سكر كبيرة زي عصير التمر المعلب عشان اهم خطوة انك متزدش دهون عشان لو زدت دهون دي هتساعد انك تخسر عضلات بسهولة.
٢- كل علي قد احتياجك فقط ، متحاولش تملأ بطنك ونتا مش جعان ، استني لما تجوع و ابقا كل برحتك.
٣- اشرب مياة كتير طول اليوم مش علي الفطار و السحور بس ، عشان المياة دي بالعربي كدا هيا بنزين الجسم الي من خلالها بتنشط كل خلاية الجسم و مش هتحسسك بالتعب و هتزود الحرق.
٤- ابدء فطارك بالاكل الي فيه بروتين كتير الاول بعد كدا خش علي الاكل الي فيه كارب عشان الطاقة .
٥- حاول متسهرش و تنام كويس.
٦- مرن عضلاتك ولو وقت قليل بعد الفطار ب ٣ ساعات ، عشان تنبة جسمك ان لسا فيه ضغط او شغل عليه و ميستهدمش العضلات دي كمصدر طاقة بعد كدا في وقت الصيام.
تعليقات
إرسال تعليق